ما هو الذكاء العاطفي؟!
الذكاء العاطفي هو قدرة الطفل أو الإنسان أنه يفهم مشاعره و يتقبلها وكمان يقدر يفهم مشاعر الناس حوله و يتقبلها و يتعاطف معاها بشكل صحيح
وده الشئ الذي يساعد الطفل أنه يعيش حياة هادئة ومفهومة بالنسبة له .
بمعني أن الطفل مثلا لما يتعرف ع مشاعر الحزن لما يبقي حزين يقدر يعبر عن نفسه ويقول أنا حزين انا محتاج دعم أو العب او اي شئ يساعده أنه يطلع من حالة الحزن
انما لو الطفل مش عارف أنه حزين أو ايه الشعور الحالي ليه يجعله متوتر وممكن يدخل ف نوبات غضب غير مبرر ولا يستطيع مساعدة نفسه أو يترك المجال لمن حوله لمساعدته
ما هي أهمية الذكاء العاطفي؟!
أهمية الذكاء العاطفي تكمن في تحديده لنجاح الإنسان ف الحياة بنسبة ٨٠٪
لان الانسان الذكي عاطفيا يكون ناجح ومحبوب بين اصدقائه لأنه ببساطة قادر أنه يفهم مشاعره ومشاعر من حوله يقدرها و يتعامل معاها بطريقة صحيحة
الذكاء العاطفي ممكن يتحكم في الذكاء المنطقي
ده اول جزء ف دورة الذكاء العاطفي
عشان نقدر نعرف الفرق بين الذكاء العاطفي والمنطقي نقدر نستني الدرس اللي جاي
